ऋषिङ्ग गाउँपालिकाको ८ वटा वडामा स्टोरी क्याम्प र म्यापअप क्याम्प गरी त्यस वडाको विविध सम्भावना र चुनौती संकलन गर्दा तीन विधाहरु कृषि, पर्यटन र कला-संस्कृतिमा वर्गीकरण गरी ती विधाहरुलाई गहिराइमा बुझ्न सहज बनाउन यो ऋषिङ्गको भर्चुवल फोटो प्रदर्शनी गरिएको हो।
कृषि प्रणाली
कृषि व्यवसाय तथा पशुपालन गर्ने कृषकहरूलाई निर्वाहमुखी कृषि प्रणालीलाई व्यवसायमुखी कृषि प्रणालीतर्फ रूपान्तरण गर्नका लागि कार्यक्रम सञ्चालन गरिएको छ।
पर्यटन
स्थानीय कथन अनुसार सत्य युगमा यस क्षेत्रमा श्रृङ्ग ऋषिले तपस्या गरेको हुनाले यस क्षेत्रलाई ऋषिङ्ग क्षेत्रको रूपमा चिनिने गरिन्छ। साथै नेपाल स–साना बाईसे चौबिसे राज्यमा विभाजन भएको बेलामा कोटदरबारमा मुनि मुकुन्द सेनका भतिजा समसेनले राज्य गरेको कारणले कोटदरबार नाम रहन गएको किंवदन्ती छ । यसै किवंदन्ती अनुसार यस गाउँपालिकाको नाम ऋषिङ्ग गाउँपालिका राखिएको अनुमान लगाउन सकिन्छ । यसरी यस गाउँपालिका भित्र भिर्कोट दरवार, गडगडेश्वर मन्दिर, दुबुङ्गको कोट र दरवार लगायत विभिन्न मठ मन्दिरहरू तथा गुफाहरू रहेका छन् । ऐतिहासिक पुरातात्विक सम्पदाहरूको संरक्षण, सम्बर्धन एवम् प्रचारप्रसार गरिएको छ।
कला-संस्कृति
स्थानीय संस्कृति संरक्षण तथा सम्बर्धनमा समुदायको सहभागितालाई अभिवृद्धि गरेर कौरा नाँच, सोरठी नृत्य, झ्याउरे, पञ्चेबाजा, लाखेनाच, मारुनि नाँच लगायतका विशिष्ट साँस्कृतिक सम्पदाहरूको संरक्षण, सम्बर्धन एवम् प्रचार प्रसारका लागि बिशेष पहल गरिएको छ ।
